ҲАМАИ ХАБАРҲО
26 апрел сафари расмии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки рӯзҳои 22 то 26 апрел дар Ҷумҳурии Италия ва Ватикан ҷараён дошт, ба анҷом расид.
26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Ватикан бо Котиби давлатии Ватикан Кардинал Петро Паролин мулоқот карданд.
26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ ба Ватикан ташриф оварданд.
Дар доираи сафари расмӣ ба Ҷумҳурии Италия Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони тоҷикони муқими Ҷумҳурии Италия, аз ҷумла донишҷӯёни тоҷик ва кормандони ташкилоту созмонҳои бонуфуз, воқеъ дар ин кишвар мулоқоти самимӣ доир карданд.
Дар доираи сафари расмӣ ба Ҷумҳурии Италия Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди мулоқот бо Мудири кулли Созмони озуқа ва кишоварзии Созмони Милали Муттаҳид дар қароргоҳи созмони мазкур дар маросими муаррифии навъҳои тоҷикии зардолу, ангур ва хушкмеваи Тоҷикистон иштирок карданд.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Италия дар шаҳри Рим Мудири кулли Созмони озуқаворӣ ва кишоварзии Созмони Милали Муттаҳид (FAO) Чу Донюйро ба ҳузур пазируфтанд.
24 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои шиносоӣ бо таҷрибаҳои пешқадами ниҳолпарварӣ ва сабзгардонии муҳити зист ба шаҳри Пистояи Италия ташриф оварданд.
24 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Италия дар шаҳри Рим Мудири иҷроияи Ширкати “ВиБилд” (WeBuild) Пиетро Салиниро ба ҳузур пазируфтанд.
Дар Академияи идоракунии давлатии назди Президенти Ҷумҳурии Тоҷикистон курси азнавтайёркунӣ аз рӯйи барномаи «Асосҳои ҳуқуқии хизмати давлатии Ҷумҳурии Тоҷикистон» барои хизматчиёни давлатии сохторҳои маҳаллии мақомоти иҷроияи марказии ҳокимияти давлатӣ ва сохторҳои мақомоти иҷроияи маҳалии ҳокимияти давлатии тобеи раиси вилоятҳо, шаҳрҳо ва ноҳияҳо, ки солҳои 2022-2023 ба хизмати давлатӣ қабул шудаанд, ҷамъбаст гардид.
Курси сайёри такмили ихтисос барои сармутахассисон оид ба корҳои омори ҷамоатҳои шаҳрак ва деҳоти шаҳру ноҳияҳои минтақаи Кӯлоби вилояти Хатлон аз рӯйи барномаи «Мубодилаи электронии ҳуҷҷатҳо дар мақомоти давлатӣ» ҷамъбаст гардид.
Бо мақсади тақвияти малакаи касбӣ, ҷаҳонбинии сиёсӣ ва сатҳи забондонии кормандони мақомоти давлатӣ, худидоракунии маҳаллӣ ва ташкилотҳои давлатӣ фармони Президенти Ҷумҳурии Тоҷикистон аз 18 марти соли 2024, №795 «Дар бораи омӯзиши забонҳои хориҷӣ» тасдиқ гардида, аз тарафи Агентии хизмати давлатӣ ҷиҳати таъмини иҷрои он тадбирҳои мушаххас андешида мешавад.
Дар идоракунии давлатӣ ва хизмати давлатӣ ягон масъалае вуҷуд надорад, ки ба донишу малакаи хизматчиёни давлатӣ вобаста набошад. Таҷрибаи ҷаҳонӣ нишон медиҳад, ки маҳз ҳайати баландихтисос ва масъули хизматчиёни давлатӣ метавонад марҳилаҳои гузариш, масъалаҳои душвор ва падидаҳои бӯҳрониро дар тамоми соҳаҳои ҳаёти ҷамъиятӣ ба осонӣ ҳал кунад.
Агентии хизмати давлатии назди Президенти Ҷумҳурии Тоҷикистон тайи солҳои охир бо муассисаҳои таҳсилоти олии кишвар ҳамкориҳои судмандро ба роҳ монда, ҳамасола бо мақсади тақвияти малакаи касбӣ ва омода намудани мутахассисони соҳаи идоракунӣ ва хизмати давлатӣ донишҷӯёни риштаи умуми ва магистрии онҳо ба таҷрибаомӯзии илмию истеҳсолӣ фаро гирифта мешаванд.
Соли 2024 дар мамлакат бахшида ба 30-солагии қабули Конститутсияи Ҷумҳурии Тоҷикистон Соли маърифати ҳуқуқӣ эълон гардид. Пешниҳоди дахлдор зимни ироаи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон манзур гардонида шуд.
Дар Академияи идоракунии давлатии назди Президенти Ҷумҳурии Тоҷикистон барои хизматчиёни давлатии сохторҳои маҳаллии мақомоти иҷроияи марказии ҳокимияти давлатӣ ва сохторҳои мақомоти иҷроияи маҳалии ҳокимияти давлатии тобеи раиси вилоятҳо, шаҳрҳо ва ноҳияҳо, ки солҳои 2022-2023 ба хизмати давлатӣ қабул шудаанд, курси азнавтайёркунӣ аз рӯйи барномаи «Асосҳои ҳуқуқии хизмати давлатии Ҷумҳурии Тоҷикистон» оғоз гардид.
Дар Академияи идоракунии давлатии назди Президенти Ҷумҳурии Тоҷикистон маросими ҷамъбасти курси такмили ихтисос барои сардорони сохторҳои меъморӣ ва шаҳрсозии мақомоти иҷроияи ҳокимияти давлатии вилоятҳо ва шаҳру ноҳияҳо аз рӯйи барномаи «Заминаҳои ҳуқуқии хизмати давлатӣ дар Ҷумҳурии Тоҷикистон» баргузор гардид.
Стратегияи миллии рушди Ҷумҳурии Тоҷикистон барои давраи то соли 2030
User Rating: 0 / 5
Санаи 8 октябри соли 2021 ҷаласаи ҳайати мушовараи Агентии хизмати давлатии назди Президенти Ҷумҳурии Тоҷикистон баргузор гардид, ки дар он натиҷаҳои фаъолияти Агентии хизмати давлатӣ дар нуҳ моҳи соли 2021 ва вазифаҳо барои семоҳаи чорум, инчунин вазъи коргузорӣ ва таъмини иҷрои маводҳои назоратӣ дар Агентии хизмати давлатӣ мавриди баррасӣ қарор дода шуданд.
Ҷаласаро директори Агентии хизмати давлатӣ Давлатов Ҷ.М. ифтитоҳ бахшида, аз рӯйи масъалаи якуми рӯзнома муовини якуми директори Агентии хизмати давлатӣ Қосимзода Г.Ҷ., ва аз рӯйи
масъалаи дуюм мудири бахши кадрҳо ва коргузории Агентии хизмати давлатӣ Файзализод А. Ф. гузориш доданд.
Қосимзода Г.Ҷ. оид ба таҳлили ҳайати миқдорӣ ва сифатии хизматчиёни давлатӣ, рафти татбиқи дастурҳо, консепсияҳо, стратегияҳо ва барномаҳои давлатӣ, рафти иҷрои қонунгузории хизмати давлатӣ дар мақомоти давлатӣ, баргузории аттестатсияи хизматчиёни давлатӣ, ротатсияи кадрҳои роҳбарикунандаи хизмати давлатии Ҷумҳурии Тоҷикистон, баргузории машғулиятҳои идоравӣ, фарогирии хизматчиёни давлатӣ ба курсҳои такмили ихтисосу бозомӯзӣ, ҳамчунин ҳамкориҳои байналмилалии Агентии хизмати давлатӣ ва дигар самтҳои фаъолияти Агентии хизмати давлатӣ гузориши муфассал манзур намуд.
Қайд гардид, ки ба ҳолати 1 октябри соли 2021 маълумотҳои оморӣ дар бораи ҳайати миқдорӣ ва сифатии хизматчиёни давлатӣ аз мақомоти давлатӣ дархост, таҳлил ва ҷамъбаст карда шуда, мавриди корбарӣ қарор дода шуданд. Муайян карда шуд, ки дар мақомоти давлатӣ ва мақомоти худидоракунии шаҳрак ва деҳот теъдоди умумии бастҳои корӣ 21613 воҳидро ташкил дода, теъдоди хизматчиёни давлатии амалкунанда 19919 нафар (87,5 фоиз) ва шумораи ҷойҳои холӣ 2694 адад (12,4 фоиз) мебошад. Аз ин шумора дар мақомоти марказӣ 12057 нафар (занон 2940 нафар ё 24,3 фоиз), мақомоти маҳаллӣ 3679 нафар (занон 993 нафар ё 27,0 фоиз) ва мақомоти худидоракунии шаҳрак ва деҳот 3183 нафар (занон 638 нафар ё 20,0 фоиз) фаъолият доранд.
Занон дар хизмати давлатии шаҳрвандӣ дар маҷмӯъ 4571 нафар ё 24,1 фоизро ташкил дода, аз 5946 нафар ишғолкунандагони мансабҳои роҳбарикунанда 1156 нафар ё 19,4 фоиз занони роҳбар мебошанд. Теъдоди умумии занон нисбат ба ҳамин давраи соли 2020 206 нафар ва теъдоди занони роҳбар 68 нафар афзоиш ёфтааст.
Теъдоди ҷавонони то 35–сола 9124 нафар (48,2 фоиз)-ро ташкил дода, нисбат ба ҳамин давраи соли 2020 819 нафар ё 3,7 фоиз афзоиш дода шудааст. Дар мансабҳои роҳбарикунанда теъдоди ҷавонони то 35–сола 1765 нафар (29,3 фоиз) буда, нисбат ба ҳамин давраи соли 2020 362 нафар зиёд шудааст.
Дар нуҳ моҳи соли 2021 тибқи Низомнома дар бораи тартиби гузаронидани озмун барои ишғоли мансабҳои холии маъмурии хизмати давлатӣ, ки бо фармони Президенти Ҷумҳурии Тоҷикистон аз 10 марти соли 2016, №647 ба тасвиб расидааст, масъулини Агентии хизмати давлатӣ дар 319 (соли 2020-298) ҷаласаи комиссияҳои озмуни мақомоти давлатӣ иштирок намуданд.
Дар ин давра барои ишғоли 3409 (соли 2020-3019) мансаби холии маъмурии хизмати давлатӣ озмун эълон гардида, ба 2756 (соли 2020-2649) мансаби холӣ бо иштироки 5789 нафар, аз он зан-1031 (соли 2020-4874, зан-942) нафар довталаб озмун гузаронида шуда, 2502 нафар, аз он зан-601 (соли 2020-1795, зан-428) нафар довталабон барои ишғоли мансабҳои холии маъмурии хизмати давлатӣ тавсия дода шуданд.
Ба 653 (соли 2020-370) мансаби дигар ҳуҷҷат пешниҳод нашудааст. Ба ҳар як мансаб бо назардошти мансабҳои ҳуҷҷат насупорида 1,7 (соли 2020-1,6) нафарӣ довталаб рост меояд.
Аз 2502 нафари ба мансабҳо таъингардида 1846 (зан-336) нафар ҷавонони то 35 - сола мебошанд.
Довталабони бори аввал ба хизмати давлатӣ омада 415 (зан-123) нафар буда, аз ҳисоби ҷавонони то 35-сола 108 (зан-27) нафар ба мансабҳои роҳбарикунанда таъин карда шуданд.
Дар нуҳ моҳи соли 2021 дар ҳамкорӣ бо Академияи идоракунии давлатӣ ва мақомоти давлатӣ 29 курси таълимӣ, аз ҷумла 4 курси азнавтайёркунӣ, 2 курси таҷрибаомӯзӣ, 23 курси такмили ихтисоси хизматчиёни давлатӣ дар Академияи мазкур, шаҳру ноҳияҳои Хоруғ, Хуҷанд, Гулистон, Панҷакент, Бохтар, Турсунзода, Ховалинг ва Дарвоз доир карда шуда, ба онҳо 1443, аз он зан-392 (соли 2020-1119, аз он зан-376) нафар хизматчиёни давлатӣ ба таълими иловагӣ фаро гирифта шуданд .
Дар Агентии хизмати давлатӣ коргузорӣ ва назорат тибқи талаботи қарори Ҳукумати Ҷумҳурии Тоҷикистон аз 28 июли соли 2017, №358 «Дар бораи Дастурамали намунавии коргузорӣ дар мақомоти давлатӣ, муассиса, корхона ва дигар ташкилотҳои Ҷумҳурии Тоҷикистон» ва дигар санадҳои меъёрии ҳуқуқии дахлдор ба роҳ монда шудааст.
Дар нуҳ моҳи соли 2021 ба дастгоҳи марказии Агентии хизмати давлатӣ 4193 (дар соли 2020-3997) мавод, аз ҷумла, аз Дастгоҳи иҷроияи Президенти Ҷумҳурии Тоҷикистон ва Ҳукумати Ҷумҳурии Тоҷикистон 467, вазорату идораҳо, мақомоти иҷроияи маҳаллии ҳокимияти давлатӣ, ташкилотҳо 3380 мавод ва 346 муроҷиати хаттии шаҳрвандон ворид шуда, аз дастгоҳи марказии Агентии хизмати давлатӣ 2321 (2020-2044) мавод содир шудааст.
Дар ин давра 310 мавод аз Ҳукумати Ҷумҳурии Тоҷикистон, Дастгоҳи иҷроияи Президенти Ҷумҳурии Тоҷикистон ва дигар мавод ба назорат гирифта шудааст.
Аз он 249 мавод мувофиқи муҳлат иҷро ва аз назорат хориҷ гардида, 61 мавод бо доштани муҳлат дар баррасии Агентии хизмати давлатӣқарор доранд.
Директори Агентии хизмати давлатӣ барои ислоҳи камбудиҳои ҷойдошта дар самти риояи қонунгузории хизмати давлатӣ дар мақомоти давлатӣ, ҷалби бештари занон ба хизмати давлатӣ, тарбияи кадрҳо аз ҳисоби бонувон ва пешбарии онҳо ба мансабҳои роҳбарикунанда, мунтазам ворид кардани маълумоти хизматчиёни давлатӣ ба Феҳристи хизматчиёни давлатӣ, гузаштан ба низоми электронии идоракунии захираҳои инсонӣ ва таъмини истифодаи самараноки захираи кадрҳо дар хизмати давлатӣ, иҷрои маводҳои назоратӣ, қарорҳои ҳайати мушовара ва фармоишҳои Агентии хизмати давлатӣ, супоришҳои протоколии ҷаласаҳои машваратии назди директори Агентии хизмати давлатӣба роҳбарони воҳидҳои сохторӣ ва масъулин дастуру тавсияҳои мушаххас дод.
Вобаста ба масъалаҳои муҳокимагардида қарорҳои дахлдор қабул ва барои иҷро ба масъулин дастрас карда шуданд.
Таърих
Иқтисодиёт
Фарҳанг ва маориф
Сайёҳӣ
Парчам
Суруд
Асъори миллӣ
Боғи миллӣ
Ҳисор
Ҳулбук
Саразм
Вверх