ҲАМАИ ХАБАРҲО
19 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев дар шаҳри Душанбе аз намоишгоҳи молу маҳсулоти Ҷумҳурии Узбекистон дар маркази ЭКСПО боздид ба амал оварданд.
19 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев дар маросими ифтитоҳи бинои нави Сафорати Ҷумҳурии Узбекистон дар шаҳри Душанбе иштирок карданд.
18 апрел дар доираи сафари давлатии Президенти Ҷумҳурии Узбекистон муҳтарам Шавкат Мирзиёев ба Ҷумҳурии Тоҷикистон дар толори бошукуҳи Кохи Борбад барномаи фарҳангии арбобони санъати Тоҷикистону Узбекистон бо номи “Дӯстии ҷовидон” баргузор гардид.
Муҳтарам намояндагони васоити ахбори омма,
Дӯстони азиз,
Нахуст аз номи мардуми Тоҷикистон ва шахсан аз номи худам меҳмони гиромӣ, дӯст ва бародарам, Шавкат Миромонович Мирзиёевро самимона хайрамақдам гуфта, дар Тоҷикистон ҳузури бофароғат мехоҳам.
18 апрел дар Қасри миллат дар доираи сафари давлатии Президенти Ҷумҳурии Узбекистон дар Ҷумҳурии Тоҷикистон маросими супоридани мукофотҳои давлатии Тоҷикистон ва Узбекистон ба як гуруҳ ҳунармандони ду кишвар баргузор гардид.
Пас аз анҷоми мулоқоту музокироти сатҳи олии Тоҷикистону Узбекистон дар Қасри миллат маросими табодули санадҳои нави имзошудаи ҳамкорӣ баргузор гардид.
Баъди анҷоми маросими истиқболи расмӣ дар Қасри миллат баррасии масоили дӯстию ҳамкории Тоҷикистону Узбекистон дар мулоқоти хосаи Сарони давлатҳо оғоз гардида, дар вохӯрӣ бо иштироки ҳайатҳои васеи ҳар ду ҷониб идома ёфт.
18 апрел маросими истиқболи расмии Президенти Ҷумҳурии Узбекистон дар майдони Қасри миллат, ки ба хотири пазироии меҳмони олиқадр идона оро ёфта буд, баргузор гардид.
Бо мақсади таъмини иҷрои банди 103 протоколи маҷлиси Ҳукумати Ҷумҳурии Тоҷикистон аз 24 январи соли 2024, №1 санаи 17 апрели соли 2024 дар Агентии хизмати давлатии назди Президенти Ҷумҳурии Тоҷикистон омӯзиши идоравӣ вобаста ба «Шарҳи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» барои кормандони Агентии хизмати давлатӣ баргузор карда шуд.
Дӯстӣ ва робитаҳои халқҳои тоҷику узбек таърихи ниҳоят қадима дорад. Дар тули таърих некуҳамсоягӣ, дӯстию ҳамкориҳои халқҳои тоҷику узбек асоси муносибатҳои байниҳамдигарии онҳо буд.
Санаи 15 апрели соли ҷорӣ дар асоси Нақша- ҷадвали баргузории курсҳои азнавтайёркунӣ, такмили ихтисос ва таҷрибаомӯзӣ барои хизматчиёни давлатӣ, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиќ карда шудааст, дар Академияи идоракунии давлатии назди Президенти Ҷумҳурии Тоҷикистон курси азнавтайёркунӣ аз рӯи барномаи «Заминаҳои ҳуқуқии хизмати давлатӣ дар Ҷумҳурии Тоҷикистон» барои хизматчиёни давлатии мақомоти иҷроияи ҳокимияти давлатии вилоятҳо ва шаҳру ноҳияҳо оғоз гардид.
Яке аз самтҳои фаъолияти Агентии хизмати давлатии назди Президенти Ҷумҳурии Тоҷикистон роҳандозӣ намудани таҳсили хизматчиёни давлатӣ дар дохил ва хориҷи кишвар буда, дар ин самт мунтазам тадбирҳои судманд андешида мешаванд.
Ҳамкориҳои байналмилалии Агентии хизмати давлатӣ бо Академияи россиягии хоҷагии халк ва хизмати давлатии назди Президенти Федератсияи Россия таквият дода шуда, тибки дархости Академияи мазкур аз 22 феврали соли 2024, №0202-100-01-24 директори Агентии хизмати давлатӣ Давлатов Ҷ.М. дар Форуми академияҳои идоракунии давлатии кишварҳои ИДМ дар мавзӯи «Шахсият дар низомҳои идоракунӣ», ки рӯзҳои 27-29 марти соли 2024 дар шаҳри Москваи Федератсияи Россия баргузор гардид, иштирок намуд.
«Наврӯз рамзи покизагиву ободӣ, саодату нишот ва идомаи ҳаёт мебошад»
Эмомалӣ Раҳмон
Санаи 19 марти соли 2024 дар Агентии хизмати давлатии назди Президенти Ҷумҳурии Тоҷикистон чорабинии фарҳангӣ бахшида ба истиқболи ҷашни безаволи бостонӣ, Иди байналмилалии Наврӯз-2024 баргузор гардид.
Дар чорабинии фарҳангӣ роҳбарияти Агентии хизмати давлатӣ, кормандони дастгоҳи марказӣ ва сохторҳои маҳалии он, меҳмонон аз дафтари кории Лоиҳаи пешниҳоди стипендияҳо барои омодасозии кадрҳо (Лоиҳаи JDS) ва Академияи идоракунии давлатии назди Президенти Ҷумҳурии Тоҷикистон иштирок намуданд.
Санаи 16 марти соли 2024 дар Агентии хизмати давлатии назди Президенти Ҷумҳурии Тоҷикистон барои истиқболи сазовори Иди байналмилалии Наврӯз таҳти шиори «Наврӯз ҳамчун рамзи покизагиву ободӣ» бо иштироки роҳбарият ва кормандони Агентии хизмати давлатӣ ҳашари дастаҷамона ташкил карда шуд.
Стратегияи миллии рушди Ҷумҳурии Тоҷикистон барои давраи то соли 2030
User Rating: 0 / 5
Санаи 4 июли соли ҷорӣ ҷаласаи навбатии ҳайати мушовараи Агентии хизмати давлатии назди Президенти Ҷумҳурии Тоҷикистон баргузор гардид.
Дар кори ҷаласа натиҷаҳои фаъолияти Агентии хизмати давлатии назди Президенти Ҷумҳурии Тоҷикистон дар нимсолаи якуми соли 2022 ва вазифаҳо барои нимсолаи дуюми соли 2022 ва Нақшаи кори Агентии хизмати давлатии назди Президенти Ҷумҳурии Тоҷикистон барои нимсолаи дуюми соли 2022 мавриди баррасӣ қарор дода шуданд.
Дар ҷаласа мушовири Бахши Ёрдамчии Президенти Ҷумҳурии Тоҷикистон оид ба масъалаҳои кадрҳо Олимшо Меҳрӣ ва ноиби якуми ректори Академияи идоракунии давлатии назди Президенти Ҷумҳурии Тоҷикистон Сафарзода Даврон Ҷӯрахон, роҳбарият ва кормандони Агентии хизматӣ давлатӣ иштирок намуданд.
Доир ба натиҷаҳои фаъолияти Агентии хизмати давлатии назди Президенти Ҷумҳурии Тоҷикистон дар нимсолаи якуми соли 2022 ва вазифаҳо барои нимсолаи дуюми соли 2022 муовини якуми директори Агентии хизмати давлатӣ Қосимзода Г. Ҷ. гузориш доданд. Зимни маърӯза қайд гардид, ки дар давраи ҳисоботӣ 4 ҷаласаи ҳайати мушовараи Агентии хизмати давлатӣ ва 24 ҷаласаи машваратии назди директори Агентии хизмати давлатӣ баргузор карда шуда, 136 қарорҳои марбут ба татбиқи сиёсати давлатӣ дар соҳаи хизмати давлатӣ, самтҳои асосии фаъолияти мақоми ваколатдори соҳа, иҷрои дастуру супоришҳои Президенти Ҷумҳурии Тоҷикистон ва Ҳукумати Ҷумҳурии Тоҷикистон баррасӣ гардиданд. Аз 136 қарорҳои дар ҷаласаҳо қабулшуда 103 адад иҷро карда шуда, 33 адад дар ҳолати баррасӣ қарор дорад.
Дар давраи ҳисоботӣ зимни қабули роҳбарият 18 муроҷиат, аз ҷониби роҳбарони воҳидҳои сохторӣ ва сохторҳои маҳаллӣ 77 муроҷиат, ҷамъ 95 муроҷиат ба қайд гирифта шуда, мушкилоти ҳангоми қабул баёнгардида баррасӣ ва ҳал карда шуданд.
Қойд гардид, ки дар мақомоти давлатӣ ва мақомоти худидоракунии шаҳрак ва деҳот теъдоди умумии бастҳои корӣ 21685 воҳидро ташкил дода, теъдоди хизматчиёни давлатии амалкунанда 18576 нафар (85,6 фоиз) ва шумораи ҷойҳои холӣ 3109 адад (14,3 фоиз) мебошад. Аз ин шумора дар мақомоти марказӣ 12010 нафар (занон 2850 нафар ё 23,7 фоиз), мақомоти маҳаллӣ 3537 нафар (занон 1024 нафар ё 28,9 фоиз) ва мақомоти худидоракунии шаҳрак ва деҳот 3029 нафар (занон 564 нафар ё 18,6 фоиз) фаъолият доранд.
Занон дар хизмати давлатии шаҳрвандӣ дар маҷмӯъ 4438 нафар ё 23,9 фоизро ташкил дода, аз 5824 нафар ишғолкунандагони мансабҳои роҳбарикунанда 1094 нафар ё 18,7 фоиз занони роҳбар мебошанд. Теъдоди умумии занон нисбат ба ҳамин давраи соли 2021 48 нафар ва нисбат ба 1 апрели соли 2022 4 нафар кам шудааст. Дар мансабҳои роҳбарикунанда бошад, теъдоди занони роҳбар нисбат ба ҳамин давраи соли 2021 54 нафар кам ва нисбат ба 1 апрели соли 2022 8 нафар зиёд шудааст.
Теъдоди ҷавонони то 35-сола 8897 нафар (47,9 фоиз)-ро ташкил дода, нисбат ба ҳамин давраи соли 2021 302 нафар кам мебошад. Дар мансабҳои роҳбарикунанда теъдоди ҷавонони то 35-сола 1541 нафар (26,4 фоиз) буда, нисбат ба ҳамин давраи соли 2021 41 нафар коҳиш ёфтааст.
Шумораи хизматчиёни давлатие, ки дар соли 2022 ба синни ниҳоии хизмати давлатӣ мерасанд, 284 (зан-66) нафар мебошанд.
Дар нимсолаи якуми соли 2022 рафти иҷрои қонунгузории хизмати давлатӣ дар ҳамаи ҷамоатҳои шаҳраку деҳоти шаҳру ноҳияҳои тобеи ҷумҳурӣ, шаҳру ноҳияҳои Кӯлоб, Мир Сайид Алии Ҳамадонӣ, Дӯстӣ, Панҷ, Носири Хусрав, Шаҳритус, Қубодиён, Ҷайҳун, Абдураҳмони Ҷомӣ, Вахш, Хуросон, Ёвон, Восеъ, Фархори вилояти Хатлон ва шаҳру ноҳияҳои Гулистон, Конибодом, Истаравшан, Исфара, Айнӣ, Деваштич, Спитамен, Шаҳристон, Бобоҷон Ғафуров, Ашти вилояти Суғд мавриди санҷиш қарор дода шуд.
Дар нимсолаи якуми соли 2022 кормандони Агентии хизмати давлатӣ дар 62 ҷаласаи комиссияҳои аттестатсионии мақомоти давлатӣ (мақомоти марказӣ-25 ҷаласа ва мақомоти маҳаллӣ-37 ҷаласа) иштирок намуданд.
Мувофиқи рӯйхат ва ҷадвалҳои пешниҳоднамудаи мақомоти давлатӣ аз 1447 нафар хизматчиёни давлатӣ, ки бояд ба аттестатсияи навбатӣ фаро гирифта мешуданд, 1376 нафар, аз он зан-256 нафар хизматчиёни давлатӣ ба аттестатсия ҷалб шуда, 71 нафар бо сабабҳои узрнок (рухсатии меҳнатӣ, сафари хизматӣ, беморӣ ва дигар ҳолатҳои пешбининамудаи қонунгузорӣ) дар аттестатсияҳо иштирок накарданд.
Тибқи хулосаҳои комиссияи аттестатсионӣ аз 1376 нафар хизматчиёни давлатии ба аттестатсия фаро гирифташуда 1247 нафар, аз он зан-239 нафар ба мансаби ишғолнамуда мувофиқ баҳогузорӣ карда шуданд. Аз ин ҳайат 21 нафар, аз он зан нафар барои ба мансаби баландтар таъин намудан, 39 нафар, аз он зан-13 нафар барои дохил кардан ба захираи кадрҳои роҳбарикунандаи хизмати давлатӣ, 42 нафар, аз он зан-11 нафар барои пеш аз муҳлат додани рутбаи тахассусии навбатӣ тавсия гирифтанд.
Дар нимсолаи аввали соли 2022 42 (зан-7) нафар хизматчиёни давлатии солҳои таҳсили 2020-2022 магистратураи дусолаи Академияи идоракунии давлатиро бо ихтисоси «Идоракунии давлатӣ» хатм намуданд.
Ҳамчунин, дар ин давра ба магистратураи мазкур 64 (зан-12) нафар хизматчиёни давлатӣ барои солҳои таҳсили 2022-2024 қабул карда шуда, аз 2 апрели соли 2022 таҳсили онҳо оғоз ёфт.
Дар нимсолаи якуми соли 2022 Агентии хизмати давлатӣ дар ҳамкорӣ бо Академияи идоракунии давлатӣ ва мақомоти давлатӣ 20 курси таълимӣ, аз ҷумла-2 курси азнавтайёркунӣ ва 18 курси такмили ихтисоси хизматчиёни давлатиро дар Академияи мазкур, шаҳрҳои Бохтар, Хуҷанд, Гулистон, Турсунзода ва ноҳияи Данғара доир намуд, ки дар онҳо 999 (зан-345) нафар хизматчиёни давлатӣ ба таълими иловагӣ фаро гирифта шуданд.
Ҳамчунин бо мақсади татбиқи қарори Ҳукумати Ҷумҳурии Тоҷикистон аз 1 апрели соли 2017, №158 «Дар бораи Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022» ҷиҳати баланд бардоштани донишҳои касбию ҳуқуқиии занон ва омода намудани онҳо барои ишғоли мансабҳои роҳбарикунанда курси омӯзишии дуалӣ барои тайёр кардани ҳайати роҳбарикунанда аз ҳисоби занони фаъолу лаёқатманди то 40-сола-хизматчиёни давлатии мақомоти иҷроияи ҳокимияти давлатии вилояти Хатлон ва шаҳру ноҳияҳои ҳудуди он бо ҷалби 26 нафар (даври якум аз 1 то 9 июни соли 2022) дар шаҳри Бохтар, инчунин даври якум ва дуюми курси мазкур барои ҳайати роҳбарикунанда аз ҳисоби занони фаъолу лаёқатманди мақомоти иҷроияи ҳокимияти давлатии ВМКБ ва шаҳру ноҳияҳои он бо фарогирии 25 нафар дар шаҳри Хоруғ аз 14 то 28 май ва аз 28 июн то 6 июли соли 2022 баргузор карда шуданд.
Бо мақсади тақвият бахшидани донишу малакаи хизматчиёни давлатӣ бо мусоидат ва назорати Агентии хизмати давлатӣ дар мақомоти давлатӣ машғулиятҳои идоравӣ гузаронида мешаванд.
Муовини директори Агентии хизмати давлатӣ Аҳмадзода Д.Д. дар бораи Нақшаи кори Агентии хизмати давлатии назди Президенти Ҷумҳурии Тоҷикистон барои нимсолаи дуюми соли 2022 маърӯза намуд.
Дар ҷаласа ҳамчунин лоиҳаи Нақшаи кори Агентии хизмати давлатӣ барои нимсолаи дуюми соли 2022 баррасӣ гардида, барои тасдиқ пешниҳод карда шуд.
Дар ҷамъбасти ҷаласа мушовири Бахши Ёрдамчии Президенти Ҷумҳурии Тоҷикистон оид ба масаълаҳои кадрҳо Олимшо Меҳрӣ суханронӣ намуд.
Инчунин директори Агентии хизмати давлатӣ барои ислоҳи камбудиҳои ҷойдошта, аз ҷумла дар самти риояи қонунгузории хизмати давлатӣ дар мақомоти давлатӣ, пурра намудани ҷойҳои холӣ, беҳтар кардани сифати баргузории озмунҳо ва аттестатсияҳо дар мақомоти давлатӣ, ҷалби бонувони лаёқатманд ба хизмати давлатӣ, такмили барномаҳои таълимии курсҳои омӯзишии хизматчиёни давлатӣ ба масъулин дастуру тавсияҳои мушаххас дод.
Вобаста ба масъалаҳои муҳокимагардида қарорҳои дахлдор қабул карда шуда, барои иҷро пешниҳод карда шуданд.
Агентии хизмати давлатии назди
Президенти Ҷумҳурии Тоҷикистон
Таърих
Иқтисодиёт
Фарҳанг ва маориф
Сайёҳӣ
Парчам
Суруд
Асъори миллӣ
Боғи миллӣ
Ҳисор
Ҳулбук
Саразм
Вверх